يا جماعه انا عامل الموضوع ده هو صغير بس انا باحاول اخرج نفسي من المود الزفت اللي انا فيه بعد الماتش وربنا ما يجيب احزان بعد كده ونفضل نضحك علي طول
صحيح الحب بيضيع بعد الجواز؟
تعالوا نشوف رأي واحد بيحب و واحد متجوز .......
س / ما هو الحب؟
الحبيب: الحب هو أجمل كلمة تعبر عن اجمل مشاعر . هو بس حرفين . هو البدايه و هو النهاية.....
المتجوز : الحب ؟؟؟ أأأأه تقصد حب الوطن و حب بابا و ماما
س/ تعرف أيه عن القلب؟
الحبيب: يااااااااه القلب ! هو بيت المشاعر و دينامو الأحساس
المتجوز: عادي . عضو من أعضاء الجسم
س/ ما هو الزواج؟
الحبيب: عهد على الحب و الوفاء. تاج يتوج كل قصة حب طاهر .
المتجوز: نهاية كل ظالم
س/ أيه رأيك في الأولاد؟
الحبيب: أحباب الله . ثمرة الحب و أمتداد الحياة
المتجوز: مصاريف مدارس ...دروس .... دكاترة على الصغيرة قبل الكبيرة ....ربنا ع الظالم
س/ أيه رأيك في الزوجة؟
الحبيب: الزوجة هي السكن . هي الحب و الأم و الأخت و الميناء اللي الواحد بيرجعله بعد الغربة و الشقا
المتجوز: أأأأأه قصدك الست اللي كتبتني قايمة و خدت أللي ورايا وقداماي بطلباتها هي و عيالها
هو أنا أقدر أقول حاجة
دي ست الكل
الأربعاء 03 مارس 2010, 13:40